Welcome to Ibuka

None tariki ya 30 Werurwe 2012, La Palisse Nyandungu mu Karere ka Gasabo, Umujyi wa Kigali hateraniye inama y’umunsi umwe igamije guhana amakuru ku bibazo by’abacitse ku icumu rya Jenoside yakorewe abatutsi no kurebera hamwe aho imyiteguro yo kwibuka ku nshuro ya 18 igeze.

Iyi nama yahuje abagize inama y’Ubutegetsi bwa IBUKA (CA), abahagarariye IBUKA mu Turere twose tw’u Rwanda, FARG na Komisiyo y’igihugu yo kurwanya Jenoside (CNLG).

Nyuma yo kungurana ibitekerezo ku ngingo zavuzwe haruguru, abari mu nama bafashe imyanzuro ikurikira:

- Abari mu nama bishimiye ko abatowe guhagararira IBUKA mu Turere ari abantu bafite ubushobozi, batanga icyizere ko bazahangana n’ingaruka za Jenoside;

- Abari mu nama bifuje ko inzego zose zifite mu nshingano zazo abacitse ku icumu zarushaho guhuza imbaraga no gushyira hamwe kugira ngo ibibazo by’abacitse ku icumu bikemuke;

- Abari mu nama barasaba ko inzego nshya za IBUKA zatowe mu Turere zaba ijisho rya FARG mu rwego rwo kurwanya abahabwa inkunga batabikwiye;

- Abari mu nama barasaba ko mbere yo kujya kunoza urutonde rw’abagenerwabikorwa ba FARG byaba byiza amabwiriza abanje kuganirwaho kugira ngo yumvikane neza kuri bose;

- Abari mu nama barasaba ko abagenerwabikorwa badatuye aho barokokeye ariko bazwi, batazajya basubizwa aho barokokeye ahubwo bafashirizwa aho bari;

- Abari mu nama barasaba ko FARG nkuko ibyimererwa n’itegeko yafata iyambere mu kuregera indishyi, amafaranga ava mu mitungo y’aba Ruharwa akamenyekana hakagenwa icyo yakoreshwa gifitiye inyungu abacitse ku icumu;

Read more: IMYANZURO Y’INAMA Y’UMURYANGO IBUKA.